નવું વર્ષ નજીક છે. 2026 બસ થોડી જ પળો દૂર છે. પણ એ પહેલા એક તારીખ છે જેને હળવાશથી લેવી ખતરનાક સાબિત થઈ શકે છે — 31 ડિસેમ્બર 2025. december deadline itr pan aadhaar important work
ઘણા લોકો એવું માને છે કે “આ તો પછી પણ થઈ જશે.” પરંતુ ફાઇનાન્સ અને ટેક્સમાં “પછી” બહુ મોંઘું પડી શકે છે.
31 ડિસેમ્બર 2025 કેમ એટલો મહત્વનો છે?
દરેક વર્ષના અંતે ફાઇનાન્સ, ટેક્સ, આધાર અને બેંકિંગ સાથે જોડાયેલી ઘણી ડેડલાઇન એકસાથે પૂરી થાય છે.
આ વખતે પણ એવું જ છે.
- જો આ કામો સમયસર ન કર્યા તો:
- ટેક્સ રિફંડ અટકી શકે
- પેનલ્ટી અને વ્યાજ લાગશે
- PAN ઇનએક્ટિવ થઈ શકે
- બેંક લોકર પણ બંધ થઈ શકે
ITR ફાઇલ કરવું — છેલ્લો મોકો
જો તમે હજી સુધી તમારું Income Tax Return ફાઇલ નથી કર્યું, તો હવે સમય બાકી બહુ ઓછો છે. સામાન્ય રીતે ITR ફાઇલ કરવાની છેલ્લી તારીખ 16 સપ્ટેમ્બર 2025 હતી. પરંતુ જો કોઈ કારણસર તમે એ સમય સુધી ITR ભરી શક્યા ન હો, તો ચિંતા કરવાની જરૂર નથી.
સરકાર તમને 31 ડિસેમ્બર 2025 સુધી Belated ITR ફાઇલ કરવાની તક આપે છે. પરંતુ અહીં એક મહત્વની વાત સમજવી જરૂરી છે. Belated ITR ફાઇલ કરશો તો તમારે લેટ ફી અને વ્યાજ બંને ચૂકવવું પડશે. ઇનકમ ટેક્સ કાયદાની ધારા 234F હેઠળ લેટ ફી અને ધારા 234A હેઠળ વ્યાજ લાગશે.
અર્થ એકદમ સાફ છે. જેટલું મોડું, તેટલું વધુ પૈસાનું નુકસાન.
Revised ITR — ભૂલ સુધારવાની છેલ્લી તારીખ
ઘણા લોકો સમયસર ITR ફાઇલ કરી દે છે, પરંતુ પછી ખ્યાલ આવે છે કે કોઈ આવક રહી ગઈ, ખોટો બેંક એકાઉન્ટ નંબર નાખી દીધો, અથવા કોઈ મહત્વની માહિતી છૂટી ગઈ.
જો તમારી સાથે પણ એવું થયું હોય, તો ગભરાવાની જરૂર નથી. Revised ITR એ માટે જ હોય છે. Revised ITRનો અર્થ એ છે કે તમે પહેલેથી ફાઇલ કરેલા ITRમાં સુધારો કરી શકો.
આ સુધારો પણ તમે 31 ડિસેમ્બર 2025 સુધી કરી શકો છો. Revised ITR ફાઇલ કરવા પર કોઈ લેટ ફી કે પેનલ્ટી લાગતી નથી. પરંતુ જો સુધારા પછી તમારી ટેક્સ દેવું વધી જાય, તો વધારાનો ટેક્સ અને તેનું વ્યાજ ચૂકવવું પડશે.
PAN અને Aadhaar લિંક — નહીં કરો તો મુશ્કેલી ચોક્કસ
જો તમારું PAN 1 ઓક્ટોબર 2024 પહેલા Aadhaar Enrollment ID પરથી બનાવાયું હતું, તો આ મુદ્દો તમારા માટે બહુ જ મહત્વનો છે.
તમારે 31 ડિસેમ્બર 2025 સુધી PAN ને Aadhaar સાથે લિંક કરવું જ પડશે. જો આ કામ સમયસર નહીં થાય, તો તમારું PAN inactive થઈ શકે છે.
Inactive PAN હોવાનો અર્થ એ છે કે તમે બેંક સાથેનું ઘણું કામ નહીં કરી શકો. તમારું ટેક્સ રિફંડ અટકી શકે છે અને કેટલીક સરકારી સેવાઓ પણ બંધ થઈ શકે છે. એકવાર PAN inactive થઈ જાય, પછી તેને ફરીથી active કરાવવાની પ્રક્રિયા સરળ નથી.
Bank Locker Agreement અપડેટ — અવગણશો નહીં
જો તમારી પાસે બેંક લોકર છે, તો આ જાણકારી તમારા માટે ખૂબ જ જરૂરી છે. RBIના નિયમો મુજબ દરેક લોકર ધારકે પોતાની બેંક સાથે Updated Locker Agreement સાઇન કરવું ફરજિયાત છે.
જો તમે હજી સુધી આ એગ્રીમેન્ટ અપડેટ નથી કર્યું, તો 31 ડિસેમ્બર 2025 પહેલા આ કામ કરી લો. મીડિયા રિપોર્ટ્સ અનુસાર, જો એગ્રીમેન્ટ અપડેટ નહીં થાય, તો બેંક લોકર બંધ પણ કરી શકે છે.
ઘણા લોકો આને નાની બાબત માનીને ટાળી દે છે, પરંતુ જ્યારે લોકરમાં રાખેલી વસ્તુઓની જરૂર પડે ત્યારે મુશ્કેલી બહુ મોટી બની જાય છે.
GST અને કંપની રિટર્ન — બિઝનેસ માટે એલર્ટ
જો તમે બિઝનેસ કરો છો, GST હેઠળ રજિસ્ટર્ડ છો અથવા કંપની ચલાવો છો, તો આ ડેડલાઇન તમને સીધી અસર કરે છે.
નાણાકીય વર્ષ 2024–25 માટે GST Annual Return તેમજ કંપનીઓ માટે MGT-7 અને AOC-4 ફાઇલ કરવાની છેલ્લી તારીખ પણ 31 ડિસેમ્બર 2025 જ છે. ભલે કેટલાક સંગઠનો ડેડલાઇન વધારવાની માંગ કરી રહ્યા હોય, પરંતુ હજી સુધી સરકાર તરફથી કોઈ સત્તાવાર જાહેરાત કરવામાં આવી નથી.
