1 એપ્રિલથી FASTag પાસ મોંઘો — હવે વધુ ચૂકવવો પડશે ટોલ પાસ માટે

રાષ્ટ્રીય હાઈવે પર મુસાફરી કરનાર વાહનચાલકો માટે મહત્વપૂર્ણ અપડેટ સામે આવ્યું છે. FASTag એન્યુઅલ પાસની કિંમતમાં વધારો કરવાનો નિર્ણય લેવામાં આવ્યો છે, જે 1 એપ્રિલ 2026થી અમલમાં આવશે. April 1 NHAI increased FASTag Annual Pass fee

કેટલી વધશે કિંમત?

હાલમાં FASTag એન્યુઅલ પાસ ₹3000માં મળે છે, પરંતુ હવે નવી નાણાકીય વર્ષ 2026-27 માટે તેની કિંમત વધારીને ₹3,075 કરવામાં આવી છે.

આ વધારો ‘રાષ્ટ્રીય રાજમાર્ગ ટોલ નિયમ 2008’ મુજબ કરવામાં આવ્યો છે, જે ટોલ દર નક્કી કરવા માટે લાગુ પડે છે.

FASTag પાસની વધતી લોકપ્રિયતા

• 6 મહિનામાં 50 લાખથી વધુ યુઝર્સે આ પાસ એક્ટિવ કર્યો
• અત્યાર સુધીમાં 26.55 કરોડથી વધુ ટ્રાંઝેક્શન થયા
• રાષ્ટ્રીય હાઈવે પર થતી કુલ કાર ટ્રાંઝેક્શનમાંથી લગભગ 28% ટ્રાંઝેક્શન FASTag પાસથી થાય છે

આ આંકડા બતાવે છે કે લોકોમાં આ પાસ ઝડપથી લોકપ્રિય બન્યો છે.

FASTag એન્યુઅલ પાસ શું છે?

આ એક પ્રીપેડ ટોલ યોજના છે, ખાસ કરીને ખાનગી (નૉન-કમર્શિયલ) વાહનો માટે બનાવવામાં આવી છે, જેમ કે કાર, જીપ અને વેન.

• એક વખત ચૂકવણી કરો
• પછી ટોલ પર વારંવાર ચૂકવણી કરવાની જરૂર નહીં
• મુસાફરી વધુ સરળ અને ઝડપી બને

કેન્દ્રીય મંત્રી નીતિન ગડકરીએ જણાવ્યું હતું કે આ યોજના ટોલ પર લાંબી લાઈનો અને વિવાદોને ઘટાડવા માટે શરૂ કરવામાં આવી છે.

ક્યાં કામ કરશે આ પાસ?

FASTag એન્યુઅલ પાસ ફક્ત નીચેના માર્ગો પર માન્ય છે:

• NHAI દ્વારા સંચાલિત રાષ્ટ્રીય હાઈવે (NH)
• એક્સપ્રેસવે (NE)

પરંતુ રાજ્ય હાઈવે અથવા સ્થાનિક ટોલ રોડ પર આ પાસ કામ નહીં કરે — ત્યાં સામાન્ય ટોલ ચૂકવવો પડશે.

કેવી રીતે એક્ટિવેટ કરશો?

FASTag એન્યુઅલ પાસ એક્ટિવેટ કરવા માટે:

1. Rajmargyatra મોબાઇલ એપ અથવા NHAI પોર્ટલ પર જાઓ
2. તમારા વાહન અને FASTagની માહિતી ચકાસો
3. ₹3000 (હાલની કિંમત મુજબ) ચૂકવણી કરો
4. પેમેન્ટ કન્ફર્મ થયા પછી અંદાજે 2 કલાકમાં પાસ એક્ટિવ થઈ જશે

નવો FASTag ખરીદવાની જરૂર નથી — તમારું હાલનું FASTag જ ઉપયોગમાં આવશે.

પાસની વેલિડિટી

• 1 વર્ષ સુધી માન્ય
  અથવા
• 200 ટોલ પસાર થાય ત્યાં સુધી

જો 200 ટોલ પહેલા જ પૂર્ણ થઈ જાય, તો પાસની વેલિડિટી સમાપ્ત થઈ જશે.

કેટલો ફાયદો થશે?

આ પાસમાં 200 ટોલ સામેલ છે:

• એક ટોલનો સરેરાશ ખર્ચ: ₹15 જેટલો પડે છે
• સામાન્ય રીતે 200 ટોલ માટે ખર્ચ લગભગ ₹10,000 થાય
• આ પાસથી માત્ર ₹3000માં કામ પૂરુ

એટલે લગભગ ₹7000 સુધીની બચત શક્ય છે

મહત્વની વાત

FASTag એન્યુઅલ પાસ નૉન-ટ્રાન્સફરેબલ છે, એટલે કે તે ફક્ત તમારા રજીસ્ટર્ડ વાહન માટે જ ઉપયોગી રહેશે.