બજેટ 2026માં સામાન્ય માણસ માટે સૌથી રાહતભર્યા સમાચાર આરોગ્ય ક્ષેત્રમાંથી આવ્યા છે. નાણામંત્રી નિર્મલા સીતારમણએ આ વખતના બજેટમાં સ્વાસ્થ્યને પ્રાથમિકતા આપીને સ્પષ્ટ સંદેશો આપ્યો છે—હવે સારી સારવાર માત્ર અમીર લોકો સુધી સીમિત નહીં રહે. Education Budget 2026 3 New AIIMS 3 Ayurveda
કેન્સર અને ડાયાબિટીસ જેવી ગંભીર બીમારીઓની સારવારથી થાકેલા લાખો પરિવારો માટે આ બજેટ આશાની નવી કિરણ બનીને આવ્યું છે.
કેન્સર અને ડાયાબિટીસની દવાઓ થશે સસ્તી
બજેટ 2026ની સૌથી મોટી જાહેરાતોમાંથી એક છે જીવનરક્ષક દવાઓને સસ્તી બનાવવાનો નિર્ણય. અત્યાર સુધી કેન્સર કે ડાયાબિટીસનું નિદાન થતું એટલે પરિવાર પર આર્થિક બોજ આવી પડતો હતો.
હવે સરકારે સ્પષ્ટ કર્યું છે કે આ દવાઓ ઓછા ભાવમાં ઉપલબ્ધ કરાવવામાં આવશે, જેથી પૈસાની અછતને કારણે સારવાર અટકે નહીં.
આ સાથે જ ભારતને દવાઓના ઉત્પાદનમાં આત્મનિર્ભર બનાવવા માટે ‘બાયો-ફાર્મા શક્તિ’ યોજના શરૂ કરવામાં આવી છે, જેમાં ₹10,000 કરોડનું રોકાણ કરાશે.
હવે સારવાર માટે મોટા શહેરોમાં દોડધામ નહીં
સારવાર માટે દિલ્હી કે મુંબઈ જેવી મહાનગરોમાં જવું પડે, એ સમસ્યા હવે ધીમે ધીમે ઓછી થશે. સરકારે દેશભરમાં ત્રણ નવા All India Institute of Medical Sciences (AIIMS) બનાવવાની જાહેરાત કરી છે.
આ નવા AIIMS શરૂ થતાં:
- દૂરના વિસ્તારોમાં પણ વિશ્વસ્તરીય સારવાર મળશે
- દર્દીઓનો ખર્ચ અને મુસાફરી બંને ઘટશે
- સ્થાનિક આરોગ્ય વ્યવસ્થાને મજબૂતી મળશે
પાંચ પ્રાદેશિક મેડિકલ હબ ખોલાશે
બજેટમાં વધુ એક મહત્વપૂર્ણ નિર્ણય તરીકે પાંચ પ્રાદેશિક મેડિકલ હબ સ્થાપિત કરવાની જાહેરાત કરવામાં આવી છે.
આ કેન્દ્રો ફક્ત સારવાર પૂરતી સીમિત નહીં રહે, પરંતુ:
- તબીબી સંશોધન
- ડોક્ટરો અને સ્ટાફની તાલીમ
- રોજગાર સર્જન
