ઘરના રસોડામાં ગેસ સિલિન્ડર ખાલી થઈ જાય તો આખા પરિવાર માટે મુશ્કેલી ઉભી થઈ શકે છે. ખાસ કરીને જ્યારે રસોઈ બનાવવાની હોય અને ગેસ ખતમ થઈ જાય ત્યારે તાત્કાલિક સિલિન્ડર જોઈએ. ઘણા લોકો હજુ પણ ગેસ બુક કરવા માટે ફોન કોલ પર નિર્ભર રહે છે, પરંતુ ઘણી વખત કોલ લાઇન વ્યસ્ત હોય છે અને બુકિંગ કરવામાં સમય લાગી જાય છે. Gas Booking Toll Free Number
હવે ટેકનોલોજીના કારણે ગેસ સિલિન્ડર બુક કરવું પહેલાથી ઘણી સરળ પ્રક્રિયા બની ગઈ છે. હવે તમે ફોન કર્યા વગર પણ WhatsApp, SMS, મોબાઈલ એપ અથવા મિસ્ડ કોલ દ્વારા થોડા જ મિનિટોમાં સિલિન્ડર બુક કરી શકો છો. ગેસ બુકિંગ ટોલ ફ્રી નંબર
WhatsApp દ્વારા ગેસ સિલિન્ડર બુક કરવાની રીત
આજકાલ ઘણી LPG કંપનીઓ WhatsApp દ્વારા પણ સિલિન્ડર બુક કરવાની સુવિધા આપે છે. જો તમે ભારત ગેસના ગ્રાહક હો તો તમારા રજિસ્ટર્ડ મોબાઈલ નંબરથી WhatsAppમાં 1800224344 નંબર સેવ કરીને “Hi” લખીને મોકલી શકો છો. ત્યારબાદ ચેટમાં દેખાતા વિકલ્પોમાંથી Refill Booking પસંદ કરીને સરળતાથી બુકિંગ કરી શકાય છે.
જો તમે ઇન્ડેન ગેસના ગ્રાહક હો તો WhatsApp પર 7588888824 નંબર પર “REFILL” લખીને મોકલવાથી પણ સિલિન્ડર બુક થઈ જાય છે.
તે જ રીતે HP ગેસના ગ્રાહકો 9222201122 નંબર પર “Hi” અથવા “Book” લખીને મેસેજ મોકલી શકે છે. થોડા સેકન્ડમાં બુકિંગ કન્ફર્મેશન મેસેજ મળી જાય છે.
SMS દ્વારા ગેસ બુકિંગ
જો તમારા ફોનમાં ઇન્ટરનેટ ઉપલબ્ધ ન હોય તો પણ ગેસ સિલિન્ડર બુક કરવો શક્ય છે. તેના માટે SMS દ્વારા બુકિંગ કરી શકાય છે.
ઇન્ડેન ગેસના ગ્રાહકો પોતાના રજિસ્ટર્ડ મોબાઈલ નંબરથી “REFILL” લખીને 7718955555 પર SMS મોકલી શકે છે.
જ્યારે ભારત ગેસના ગ્રાહકો “LPG” લખીને 7715012345 નંબર પર મેસેજ મોકલી શકે છે. મેસેજ મોકલ્યા પછી થોડા સમયમાં બુકિંગની પુષ્ટિ મળી જાય છે.
મિસ્ડ કોલ દ્વારા સરળ બુકિંગ
ગેસ સિલિન્ડર બુક કરવાની એક ખૂબ સરળ રીત મિસ્ડ કોલ પણ છે. તેમાં ઇન્ટરનેટ કે SMS લખવાની જરૂર પડતી નથી.
ફક્ત તમારા રજિસ્ટર્ડ મોબાઈલ નંબરથી કંપની દ્વારા આપવામાં આવેલા મિસ્ડ કોલ નંબર પર કોલ કરવો પડે છે. થોડા સમયમાં તમને બુકિંગ કન્ફર્મેશન મેસેજ મળી જાય છે અને સિલિન્ડર બુક થઈ જાય છે.
મોબાઈલ એપ દ્વારા પણ કરી શકાય છે બુકિંગ
આજના સમયમાં ઘણી LPG કંપનીઓ પોતાની મોબાઈલ એપ પણ આપે છે. આ એપમાં લોગિન કર્યા પછી LPG અથવા ગેસ સિલિન્ડર બુકિંગનો વિકલ્પ પસંદ કરવો પડે છે.
ત્યારબાદ તમારી ગેસ કંપની પસંદ કરીને કસ્ટમર નંબર અથવા રજિસ્ટર્ડ મોબાઈલ નંબર દાખલ કરવો પડે છે. ત્યારબાદ Book Cylinder પર ક્લિક કરતા જ બુકિંગ પૂર્ણ થઈ જાય છે અને કન્ફર્મેશન મેસેજ મળી જાય છે.
રજિસ્ટર્ડ મોબાઈલ નંબર મહત્વનો છે
ગેસ સિલિન્ડર બુક કરતી વખતે સૌથી મહત્વની વાત એ છે કે તમે એ જ મોબાઈલ નંબરનો ઉપયોગ કરો જે તમારા ગેસ કનેક્શન સાથે જોડાયેલો છે. જો રજિસ્ટર્ડ નંબરથી બુકિંગ કરવામાં આવે તો પ્રક્રિયા ઝડપથી પૂર્ણ થાય છે અને કોઈ મુશ્કેલી આવતી નથી.
ડિજિટલ સુવિધાઓના કારણે હવે લોકોને ગેસ એજન્સી સુધી જવાની કે લાંબા સમય સુધી ફોન પર રાહ જોવાની જરૂર નથી. થોડા જ મિનિટોમાં ગેસ સિલિન્ડર બુક કરી શકાય છે.
