આણંદની બાસ્કેટબોલ ટીમના કેટલાક ખેલાડીઓ પાટણ યુનિવર્સિટીના હોસ્ટેલમાં દારૂ સાથે પકડાયા. યુનિવર્સિટીમાં દારૂની મહેફીલ અને અસભ્ય વર્તનની ગંભીર ઘટના સામે પગલું ભરતા રાજ્ય બાસ્કેટબોલ એસોસિએશને આણંદની ટીમને ત્રણ વર્ષ માટે સસ્પેન્ડ કરી છે. આ ઘટનાના પગલે વિદ્યાર્થી સંગઠન NSUIએ યુનિવર્સિટીની સુરક્ષા વ્યવસ્થાની નિંદા કરતા તાત્કાલિક સુધારાઓની માંગ કરી છે. Basketball team caught with alcohol in Patan University hostel.
શું હતી ઘટના
પાટણમાં સ્ટેટ બાસ્કેટબોલ ચેમ્પિયનશિપમાં ભાગ લેતી આણંદની ટીમના કેટલાક ખેલાડીઓ યુનિવર્સિટી હોસ્ટેલમાં દારૂની મહેફીલ માણતા પકડાયા. રેક્ટર લાડજીજી દ્રારા તેમની દાદાગીરી અને ગાડી પર હુમલાના પ્રયાસની ફરિયાદ નોંધાઈ. પોલીસે તાત્કાલિક કાર્યવાહી કરતા મુખ્ય આરોપી જયદીપસિંહ ચૌધરીને ધરપકડ કરી છે.
વિદ્યાર્થીઓનો વિરોધ:
NSUIએ આ ઘટનાને લઇને યુનિવર્સિટી પર આકરા પ્રહારો કર્યા છે. વિરોધ પ્રદર્શન દરમિયાન નકલી નોટોનો વરસાદ કર્યો હતો અને સુરક્ષા એજન્સીને બ્લેકલિસ્ટ કરવાની માંગણી કરી. યુનિવર્સિટી કુલપતિ કે.સી. પોરિયાએ સિક્યુરિટીમાં સુધારા કરવાનું વચન આપ્યું છે.
કાર્યવાહી:
આણંદની બાસ્કેટબોલ ટીમ સસ્પેન્ડ: બાસ્કેટબોલ એસોસિએશન દ્વારા ટીમને ત્રણ વર્ષ માટે કોઈ પણ ટુર્નામેન્ટમાં ભાગ લેવાની મનાઈ.
સુરક્ષા એજન્સી પર પગલું: NSUIની માંગ અનુરૂપ સુરક્ષા એજન્સી બ્લેકલિસ્ટ કરવાની પ્રક્રિયા શરૂ.