સવારે 10:30 વાગ્યે EDની ટીમે ડૉ. રાજેન્દ્રકુમાર પટેલ, કલેક્ટર,ની ઓફિસમાં કાર્યવાહી શરૂ કરી. ઓફિસમાં સવારથી જ નો એન્ટ્રી જાહેર કરાઈ. કલેક્ટરના બંગલા બહાર 4 ખાનગી કાર તહેનાત કરવામાં આવી. કાર્યવાહી દરમિયાન કલેક્ટર, નાયબ મામલતદાર સહિત તમામ કર્મચારીઓના મોબાઈલ સ્વીચ ઓફ કરાવાયા. ED Raid Unearths Rs Five Crore Assets
બપોરે 2:00 વાગ્યે, વકીલ અને કલેક્ટરના પીએ (રતનપર) પર ધ્યાન કેન્દ્રિત થયું. જમીન કૌભાંડમાં મધ્યસ્થીની ભૂમિકા હોવાની ચર્ચા સામે આવી. પીએ દ્વારા તાજેતરમાં બનાવાયેલા બે માળના નવા બંગલા અંગે પણ તપાસ થઈ. રતનપરમાં આવેલા તેમના જૂના મકાનમાં EDએ તપાસ હાથ ધરી, જ્યાંથી રોકડ અને મહત્વપૂર્ણ દસ્તાવેજો મળ્યા હોવાની ચર્ચા છે.
આ સાથે કલેક્ટરના પીએ રવિરાજસિંહ ઝાલાનું ઘર પણ રતનપરમાં હોવાથી ત્યાં પણ તપાસ કરવામાં આવી. રતનપર વિસ્તારમાં સૌથી વધુ 4 કલાક સુધી કાર્યવાહી ચાલી.
સવારે 5:00 વાગ્યે, ચંદ્રસિંહ મોરી, નાયબ મામલતદાર,ના વઢવાણ સ્થિત ઘરમાં ED ત્રાટકી. સાંજ સુધી ઘરમાં કોઈને પ્રવેશ અપાયો નહીં. દરમિયાન, 8 કલાક બાદ એક વૃદ્ધા બહાર આવ્યા ત્યારે તેમને રોકી દેવામાં આવ્યા. નોંધનીય છે કે ચંદ્રસિંહ મોરી અગાઉ ક્લાર્ક તરીકે નિમણૂક ધરાવતા હતા અને છેલ્લા અઢી-ત્રણ વર્ષથી નાયબ મામલતદાર તરીકે ફરજ બજાવી રહ્યા છે.
લાંબી કાર્યવાહી બાદ રાતે 10 વાગ્યે EDએ ફાઈલો જપ્ત કરી ટીમ રવાના થઈ. 17 કલાક ચાલેલી આ રેડે સમગ્ર પ્રશાસનમાં હલચલ મચાવી દીધી છે.
