ગુજરાતમાં ફરીથી મેઘરાજાનું તાંડવ શરૂ થયું છે. શ્રાવણ મહિનાની શરૂઆત સાથે રાજ્યના અનેક વિસ્તારોમાં ભારે વરસાદ પડી રહ્યો છે. 27 જુલાઈના રોજ માત્ર 24 કલાકમાં 193 તાલુકાઓમાં વરસાદ નોંધાયો છે, જે લોકોને ચિંતિત તો કરેછે પણ પાણીની જરૂરિયાત માટે આશાનું પણ સંકેત છે. gujarat varsad samachar
સતત વરસી રહ્યો છે વરસાદ, અનેક જિલ્લાઓમાં છે Red Alert
હવામાન વિભાગના અનુમાન પ્રમાણે શનિવાર સાંજથી અમદાવાદ સહિતના અનેક વિસ્તારોમાં મોસમીએ દસ્તક દીધી છે. રાજ્યના અનેક ભાગોમાં 28 જુલાઈના સવારે 10 વાગ્યા સુધી ભારેથી અતિભારે વરસાદની શક્યતા દર્શાવવામાં આવી છે. ખાસ કરીને બનાસકાંઠા, સાબરકાંઠા, મહેસાણા, અરવલ્લી, મહીસાગર, પંચમહાલ અને દાહોદ જિલ્લાઓ માટે Red Alert જાહેર કરવામાં આવ્યો છે.
તલાસણયાવાર વરસાદની વિગતો: ક્યાં કેટલો વરસાદ પડ્યો?
સ્ટેટ ઈમર્જન્સી ઓપરેશન સેન્ટરે જાહેર કરેલા આંકડા મુજબ, 27 જુલાઈથી 28 જુલાઈ વચ્ચેના 24 કલાકમાં ગુજરાતના 193 તાલુકાઓમાં નોંધપાત્ર વરસાદ થયો છે.
- નડિયાદ (ખેડા): 10.43 ઈંચ
- દસક્રોઈ (અમદાવાદ): 10.30 ઈંચ
- મેમદાબાદ: 9.37 ઈંચ
- માતર: 8 ઈંચ
- મહુઘા: 7 ઈંચ
- વાસો: 6.22 ઈંચ
- કથલાલ: 5.31 ઈંચ
મુંબઈ અને મહારાષ્ટ્રમાં પણ વરસાદી કહેર
મહારાષ્ટ્રના મુંબઈ, પાલઘર અને થાણે જિલ્લાઓમાં પણ વિશેષ વરસાદની આગાહીના પગલે હવામાન વિભાગે Yellow Alert, જ્યારે BMC દ્વારા Orange Alert જાહેર કરવામાં આવ્યો છે. આગામી ચાર દિવસ સુધી સતત વરસાદની શક્યતા દર્શાવાઈ રહી છે.
આગામી દિવસોની ગુજરાત માટે આગાહી
ગુજરાત હવામાન વિભાગ દ્વારા 28 જુલાઈ માટે કેટલાક વિસ્તારોમાં અતિભારે વરસાદની આગાહી આપવામાં આવી છે:
- ભારે થી અતિભારે વરસાદ: બનાસકાંઠા, સાબરકાંઠા, અરવલ્લી
- ભારે વરસાદ: પાટણ, મહેસાણા, ગાંધીનગર, અમદાવાદ, ખેડા, મહીસાગર, દાહોદ, પંચમહાલ, છોટા ઉદેપુર, નર્મદા, ભરૂચ, સુરત, નવસારી, વલસાડ, વડોદરા, આણંદ, સુરેન્દ્રનગર, બોટાદ, ભાવનગર, રાજકોટ, અમરેલી
- હળવો થી મધ્યમ વરસાદ: કચ્છ, જામનગર, જૂનાગઢ, તાપી, ડાંગ
29 જુલાઈ માટે પણ હવામાન વિભાગે ભારે વરસાદના આશંકાસૂચક એલર્ટ જારી કર્યા છે.
