SIR ફોર્મ કેવી રીતે ભરો અને BLO દ્વારા અપલોડ થયું છે કે નહીં, તે ઘરે બેઠા ચકાસવાની સરળ રીત. EPIC નંબર, મોબાઇલ લિંક અને સ્ટેપ-બાય-સ્ટેપ ગાઇડ વાંચો અહીં. Sir status check online
ઘણા લોકોને આજે પણ એ ડર લાગે છે – “મારું નામ વોટર લિસ્ટમાં છે કે નહીં?” અથવા “BLOએ ફોર્મ સાચે અપલોડ કર્યું કે બસ કહાની પૂરી કરી દીધી?”
અને સાચું કહું? આ ચિંતા વાજબી છે. કારણ કે એક નાની ભૂલ પણ તમારી મતાધિકાર પ્રક્રિયાને અટકાવી શકે છે. જો તમે પણ SIR ફોર્મ ભર્યું છે, અથવા ઘર બેઠા ભરવાની યોજના કરો છો, તો SIR ફોર્મ સ્ટેટસ ચકાસવું તમારે ચોક્કસ કરવું જોઈએ.
SIR ફોર્મ શું છે અને કેમ જરૂરી છે?
SIR એટલે Special Intensive Revision. આ પ્રક્રિયા ચૂંટણી પંચ દ્વારા મતદારોની યાદી અપડેટ કરવા માટે શરૂ કરવામાં આવે છે. UP, આસામ, પશ્ચિમ બંગાળ સહિત અનેક રાજ્યોમાં આ કામગીરી ચાલી રહી છે.
- ખોટા નામ કાઢવા
- સાચા મતદારોને વોટિંગ અધિકાર સુરક્ષિત રાખવા
- ડુપ્લિકેટ એન્ટ્રી દૂર કરવી
SIR ફોર્મ ઓનલાઇન કેવી રીતે ભરશો? – સ્ટેપ બાય સ્ટેપ માર્ગદર્શન How to fill SIR form online
- voters.eci.gov.in પર જાઓ
- “Fill Enumeration Form” પર ક્લિક કરો
- તમારો EPIC નંબર અને મોબાઇલ નંબર દાખલ કરો
- રાજ્ય પસંદ કરો
- તમારી વોટર વિગતો ચકાસો
- જો મોબાઇલ EPIC સાથે લિંક નથી, તો Form-8 દ્વારા લિંક કરો
- ફરી લોગિન કરીને SIR ફોર્મ ભરો
- આધાર આધારિત ઇ-સાઇન કરો
- ફોર્મ સબમિટ કરો
BLOએ તમારું SIR ફોર્મ અપલોડ કર્યું કે નહીં? જાણવાની રીત
અહીંથી ખરો મુદ્દો શરૂ થાય છે. ફોર્મ ભરવું એક વાત છે, પણ અપલોડ થવું બીજી.
ચકાસવાની સરળ રીત
- voters.eci.gov.in ખોલો
- “Fill Enumeration Form” પર ક્લિક કરો
- Sign Up કરો (જો પહેલેથી નહીં કર્યો હોય)
- મોબાઇલ નંબર દાખલ કરી OTP લો
- લોગિન થયા બાદ ફરી “Fill Enumeration Form” પર જાઓ
- EPIC નંબર નાખીને Search કરો
હવે શું દેખાશે?
જો ફોર્મ અપલોડ થઈ ગયું હશે તો સંદેશ મળશે: “તમારું ફોર્મ મોબાઇલ નંબર XXXXX સાથે પહેલેથી જ સબમિટ થઈ ગયું છે.”
- જો અપલોડ નથી થયું:
- નવો ફોર્મ પેજ ખુલી શકે
- અથવા કોઈ સ્ટેટસ નહીં દેખાય
જો ખોટો મોબાઇલ દેખાય અથવા તમે જેમ સબમિટ નથી કર્યું છતાં status ‘Submitted’ બતાવે, તો તરત BLOનો સંપર્ક કરો.
