નવું વર્ષ શરૂ થવાનું હોય ત્યારે મનમાં એક આશા રહે છે—કંઈક તો સસ્તું થશે, જીવન થોડું હળવું લાગશે. પણ અહીં તો વાત ઉલટી થઈ ગઈ. આજે રાતથી ગુજરાતના લાખો મુસાફરોને રોજની મુસાફરી માટે વધારે રૂપિયા ચૂકવવા પડશે. GSRTC બસ ભાડામાં 3 ટકા વધારો અમલી બનવાનો છે, અને એની અસર લગભગ 27 લાખથી વધુ મુસાફરો પર પડશે. GSRTC bus fares increased by 3%.
તમે રોજ એસ.ટી.માં ઓફિસ જાવ છો? બાળકને સ્કૂલ મૂકવા બસ પકડો છો? કે ગામ-શહેર વચ્ચે અવારનવાર મુસાફરી કરો છો? તો આ સમાચાર તમને સીધા સ્પર્શે એવા છે.
GSRTC ભાડા વધારાનો નિર્ણય શું છે?
Gujarat State Road Transport Corporation (GSRTC) દ્વારા એસ.ટી. બસના ભાડામાં 3 ટકાનો વધારો કરવાનો નિર્ણય લેવામાં આવ્યો છે. આ વધારો આજે રાતે 12 વાગ્યા પછી અમલી બની જશે.
GSRTCના આંકડા પ્રમાણે, લોકલ સર્વિસમાં મુસાફરી કરતા લગભગ 85 ટકા મુસાફરોને બહુ નાની અથવા નહિવત અસર પડશે.
9 કિમી સુધી મુસાફરી કરનારા માટે રાહત
આ સૌથી મહત્વની વાત છે. જો તમારી મુસાફરી 9 કિલોમીટર સુધીની લોકલ રૂટમાં થાય છે, તો ભાડામાં કોઈ વધારો નથી.
અર્થાત, રોજની નાની મુસાફરી—શહેરની અંદર, નજીકના વિસ્તાર માટે—હજુ પણ પહેલા જેવી જ રહેશે. આ નિર્ણય ખાસ કરીને દૈનિક મુસાફરોને ધ્યાનમાં રાખીને લેવામાં આવ્યો છે.
10 થી 60 કિમી મુસાફરી કરશો તો કેટલો વધારો?
10 કિમીથી 60 કિમી સુધીની મુસાફરી કરનારા મુસાફરો માટે માત્ર 1 રૂપિયાનો નજીવો વધારો કરવામાં આવ્યો છે.
હા, એક રૂપિયા સાંભળવામાં નાનું લાગે છે, પણ રોજ બસ પકડનાર વ્યક્તિ માટે મહિનાના અંતે આ ગણતરી લાગશે—that’s the reality.
શું ગુજરાતમાં એસ.ટી.નું ભાડું ખરેખર મોંઘું છે?
આ સવાલ સ્વાભાવિક છે. GSRTCનું કહેવું છે કે આ વધારા બાદ પણ ગુજરાતનું એસ.ટી. ભાડું પાડોશી રાજ્યો કરતાં ઓછું છે.
થોડી સરખામણી જુઓ:
- મહારાષ્ટ્રમાં લોકલ અને એક્સપ્રેસ બસ માટે પ્રતિ કિમી ભાડું લગભગ 1.68 રૂપિયા
- રાજસ્થાનમાં લોકલ માટે 1 રૂપિયા અને એક્સપ્રેસ માટે 1.10 રૂપિયા
- જ્યારે ગુજરાતમાં હવે લોકલ સર્વિસ માટે પ્રતિ કિમી આશરે 0.91 રૂપિયા અને એક્સપ્રેસ માટે 0.97 રૂપિયા
- આ આંકડાઓ બતાવે છે કે વધારો છતાં ગુજરાત હજુ પણ તુલનાત્મક રીતે સસ્તુ છે.
