ration card e kyc 2026 gujarat ક્યારેક એવું થાય છે કે બધું ચાલતું હોય… ઘરમાં રાશન આવી રહ્યું હોય, ખર્ચ થોડો સંભાળમાં હોય, અને અચાનક એક નોટિસ આખું ગણિત બગાડી દે.
જો તમે પણ રેશન કાર્ડ પરથી મફત કે સસ્તા દરે અનાજ લો છો, તો આ માહિતી અવગણવી નહીં. કારણ કે એક નાનું કામ ન કરવાથી 1 જાન્યુઆરી 2026થી રાશન બંધ થઈ શકે છે. અને એ સાથે જોડાયેલી બીજી સરકારી યોજનાઓ પણ અટકી શકે છે.
Ration Card e-KYC કેમ અચાનક એટલું જરૂરી બની ગયું?
સરકાર ઘણા સમયથી ફર્જી અને અપાત્ર લાભાર્થીઓને યોજના બહાર કરવા માટે પગલાં લઈ રહી છે. એ જ કારણથી રેશન કાર્ડને આધાર સાથે લિંક કરીને e-KYC ફરજિયાત કરવામાં આવી છે.
જો 31 ડિસેમ્બર 2025 સુધી e-KYC પૂર્ણ નહીં થાય, તો 1 જાન્યુઆરીથી રાશન મળવાનું બંધ થઈ શકે છે. માત્ર રાશન જ નહીં, પરંતુ રેશન કાર્ડ સાથે જોડાયેલી લગભગ 7 સરકારી યોજનાઓનો લાભ પણ અટકી શકે છે.
ઘર બેઠા મોબાઈલથી Ration Card e-KYC 2026 કેવી રીતે કરશો?
જો તમારા પાસે સ્માર્ટફોન અને ઈન્ટરનેટ છે, તો કામ બહુ સરળ છે.
સૌપ્રથમ તમારા મોબાઈલમાં “Mera KYC” અને “Aadhaar FaceRD” એપ ડાઉનલોડ કરો. એપ ખોલ્યા પછી તમારી લોકેશન પસંદ કરો. પછી આધાર નંબર દાખલ કરો, કેપ્ચા ભરો અને તમારા મોબાઈલ પર આવેલા OTPથી વેરિફિકેશન કરો.
હવે તમારી વિગતો સ્ક્રીન પર દેખાશે. અહીં “Face e-KYC” વિકલ્પ પસંદ કરો.
કેમેરો ચાલુ થશે, તમારો ચહેરો સ્કેન થશે અને થોડા સેકન્ડમાં e-KYC પૂર્ણ થઈ જશે.
ration card e kyc 2026 થયું છે કે નહીં, સ્ટેટસ કેવી રીતે ચેક કરશો?
“Mera KYC” એપ ખોલો. લોકેશન નાખો, આધાર નંબર અને OTP દાખલ કરો.
જો સ્ટેટસમાં “Y” દેખાય, તો સમજવું કે તમારું e-KYC સફળતાપૂર્વક પૂર્ણ થયું છે.
મોબાઈલ ન ચાલે તો શું? ઓફલાઈન રસ્તો પણ છે ration card e kyc 2026
- બધાના ફોનમાં એપ ચાલે જ એવું નથી. નેટવર્ક કે ટેક્નિકલ સમસ્યા આવે, તો ગભરાવાની જરૂર નથી.
- તમે નજીકની રેશન દુકાન પર જઈ શકો છો.
ત્યા POS મશીન દ્વારા અંગૂઠા અથવા આંગળીઓના નિશાનથી e-KYC કરી આપવામાં આવે છે. - આ માટે તમારે આધાર કાર્ડ અને રેશન કાર્ડ સાથે લઈ જવાનું રહેશે.
થોડો સમય લાગશે, પણ કામ થઈ જશે—અને રાશન બંધ થવાથી બચી જશો.
