સુરક્ષા કારણોસર IPL 2025 KKR Vs LSG મેચ ફરીથી શેડ્યૂલ કરવામાં આવે તેવી શક્યતા છે. કોલકાતા પોલીસે આ મેચમાં સુરક્ષા પૂરી પાડવાનો સ્પષ્ટ ઇનકાર કરી દીધો છે. IPL 2025 KKR vs LSG match schedule change
રામ નવમીની ઉજવણીને કારણે શહેર પોલીસે મેચ માટે સુરક્ષા મંજૂરી આપી નથી. ભાજપના નેતા સુવેન્દુ અધિકારીએ અગાઉ જાહેરાત કરી હતી કે રામ નવમી પર પશ્ચિમ બંગાળમાં 20 હજારથી વધુ શોભાયાત્રા કાઢવામાં આવશે, જેના કારણે રાજ્યભરમાં સુરક્ષાની જરૂરિયાત વધી ગઈ છે.
IPL 2025: IPL 2025 ની રોમાંચક શરૂઆત પહેલા, કોલકાતા નાઈટ રાઈડર્સ (KKR) અને લખનૌ સુપર જાયન્ટ્સ (LSG) વચ્ચેની પ્રસ્તાવિત મેચની તારીખો બદલાઈ શકે છે. તેનું કારણ પશ્ચિમ બંગાળમાં 6 એપ્રિલે રામ નવમી દરમિયાન સુરક્ષા ચિંતાઓ છે. સ્થાનિક પોલીસે આ દિવસે સુરક્ષા પૂરી પાડવા માટે પોતાને અસમર્થ જાહેર કર્યું છે. જેના કારણે આ સ્પર્ધા તેની નિર્ધારિત તારીખે થઈ શકતી નથી. આ સમયગાળા દરમિયાન 20,000 થી વધુ શોભાયાત્રા નીકળવાની શક્યતા હોવાનું કહેવામાં આવી રહ્યું છે. આવી સ્થિતિમાં, પોલીસ યોગ્ય વ્યવસ્થા કરી શકતી નથી.
