today Yuvraj Singh Birthday: આજ યુવરાજ સિંહના 43મા જન્મદિવસે, ભારતના આ મહાન ક્રિકેટરની જીવનકથાનો ખાસ અહેવાલ. 12 ડિસેમ્બર, 1981ના રોજ જન્મેલા યુવરાજે ભારતીય ક્રિકેટને અનેક ઊંચાઈઓ પર પહોંચાડ્યું છે. 2007ના T20 વર્લ્ડ કપમાં તેમની ધમાકેદાર ફટકાબાજીએ અને 2011ના ODI વર્લ્ડ કપમાં ઓલરાઉન્ડ પ્રદર્શન દ્વારા તેમણે ભારતને ચેમ્પિયન બનાવવામાં મહત્ત્વની ભૂમિકા ભજવી.
2007માં શાનદાર શરૂઆત
યુવરાજે 2007ના T20 વર્લ્ડ કપમાં ઇંગ્લેન્ડ વિરુદ્ધ 6 બોલમાં 6 સિક્સર ફટકારી વિશ્વ cricketના ઈતિહાસમાં નામ કમાવ્યું હતું. આ વર્લ્ડ કપમાં ભારતીય ટીમની જીતમાં તેમનું યોગદાન અનમોલ રહ્યું.
2011: પ્લેયર ઓફ ધ સિરીઝ
2011ના વર્લ્ડ કપમાં યુવરાજ સિંહે બેટ અને બોલ બંનેમાં મહાન પ્રદર્શન કર્યું. તે 362 રન અને 15 વિકેટ સાથે પ્લેયર ઓફ ધ સિરીઝ બન્યા. તે સમયે તેમણે કેન્સર જેવી ગંભીર બીમારી સામે લડીને આ સફળતા હાંસલ કરી હતી, જેના માટે તેઓ આખી દુનિયામાં વખણાયા.
2014: એક ખરાબ રાત
છગ્ગા અને ચોગ્ગાની માટે જાણીતા યુવરાજ માટે 6 એપ્રિલ, 2014ની રાત ભુલાવાની ન હતી. મીરપુરના મેદાનમાં શ્રીલંકા વિરુદ્ધ T20 વર્લ્ડ કપની ફાઈનલ મેચમાં તેમની ધીમી બેટિંગ ભારત માટે પરાજયનું કારણ બની. 21 બોલમાં 11 રન સાથે યુવરાજ એક પણ બાઉન્ડ્રી મારી શક્યા ન હતા. તેની ધીમી રનરેટના કારણે ભારત માત્ર 130 રન જ બનાવી શક્યું. શ્રીલંકાએ આ લક્ષ્ય સરળતાથી મેળવી T20 વર્લ્ડ કપ જીત્યો.
યુવરાજનું સંઘર્ષ અને વારસો
યુવરાજે આ અવસરમાં નિષ્ફળતા ઝીલી, પરંતુ તેમના યોગદાનને ભુલાવી શકાય તેમ નથી. તેઓ ક્રિકેટના મંચ પર હંમેશા એક પ્રેરણા રહેલા છે.