આજે રવિવારની વહેલી સવારે અમદાવાદના એસ.જી. હાઈવે પર વૈષ્ણોદેવી સર્કલ નજીક એક દિલ હચમચાવી દેતો માર્ગ અકસ્માત થયો. સવારની શાંતિને ચીરતા એસટી બસ, ફોર્ચ્યુનર અને બ્રેઝા કાર વચ્ચે થયેલી ભયાનક ટક્કરે સમગ્ર વિસ્તારને હચમચાવી દીધો. Ahmedabad Horrible accident on SG Highway
ડિવાઈડર કૂદતી ફોર્ચ્યુનર બન્યું અકસ્માતનું કારણ
પ્રાપ્ત માહિતી મુજબ, ગાંધીનગર તરફ જઈ રહેલી ફોર્ચ્યુનર કાર (નં. GJ 10 EF 9) ના ચાલકે અચાનક સ્ટીયરિંગ પરથી કાબૂ ગુમાવ્યો. કાર સીધી ડિવાઈડર કૂદીને સામેના માર્ગ પર પહોંચી ગઈ.
બસ સાથે ધડાકાભેર ટક્કર, પછી બ્રેઝાની એન્ટ્રી
તે જ સમયે હિંમતનગરથી રાજકોટ જઈ રહેલી એસટી બસ સાથે ફોર્ચ્યુનર ધડાકાભેર અથડાઈ. પાછળથી આવતી બ્રેઝા કાર પણ બંને વાહનો સાથે અથડાઈ ગઈ.
થોડી જ સેકન્ડમાં ઘટના ત્રિપલ અકસ્માતમાં ફેરવાઈ
આ સમગ્ર ઘટના માત્ર થોડી જ સેકન્ડમાં ત્રિપલ અકસ્માતમાં ફેરવાઈ ગઈ. રસ્તા પર અફરાતફરી, લોકોના ચીસાચીસ અને વાહનોની અવ્યવસ્થા સર્જાઈ ગઈ.
ફોર્ચ્યુનર ચાલક ધવલ વાઘેલાનું ઘટનાસ્થળે જ મોત
- આ ગંભીર અકસ્માતમાં ફોર્ચ્યુનર કારના ચાલક, ગાંધીનગરના વકીલ પુત્ર ધવલ વાઘેલા,નું ઘટનાસ્થળે જ કરુણ અવસાન થયું.
- ત્રણ લોકો ગંભીર રીતે ઘાયલ, હોસ્પિટલમાં સારવાર ચાલુ
- અન્ય ત્રણ વ્યક્તિઓને ગંભીર ઈજાઓ પહોંચી છે, જેમને તાત્કાલિક નજીકની હોસ્પિટલમાં સારવાર માટે ખસેડવામાં આવ્યા છે.
અકસ્માત બાદ SG હાઈવે પર લાંબો ટ્રાફિક જામ
ટક્કર એટલી જોરદાર હતી કે ફોર્ચ્યુનર કારનો આગળનો ભાગ સંપૂર્ણપણે ચકનાચૂર થઈ ગયો હતો અને એસટી બસ પણ ડિવાઈડર પર ચઢી ગઈ હતી. અકસ્માતના પગલે એસ.જી. હાઈવે પર બંને બાજુ લાંબો ટ્રાફિક જામ સર્જાયો હતો.
પોલીસ તપાસમાં લાગી, અકસ્માતના કારણો શોધાઈ રહ્યા
પોલીસ અને ઇમરજન્સી ટીમોએ ઘટનાસ્થળે પહોંચી વાહનો હટાવી ટ્રાફિક ફરીથી શરૂ કર્યો છે. હાલ અકસ્માતના ચોક્કસ કારણોની તપાસ ચાલી રહી છે.
