ચાંદીના ભાવે આજે ઇતિહાસ રચ્યો છે. મલ્ટી કોમોડિટી એક્સચેન્જ (MCX) પર ચાંદી પહેલીવાર પ્રતિ કિલોગ્રામ રૂ. 3 લાખને પાર કરી ગઈ, જેના કારણે બજારમાં ભારે ચર્ચા શરૂ થઈ છે. Silver price today 1 kg
સોમવારે વાયદા બજારમાં ચાંદીના ભાવમાં જંગી ઉછાળો જોવા મળ્યો. મજબૂત રોકાણકારોની માંગ અને વૈશ્વિક બજારમાંથી મળેલા સકારાત્મક સંકેતોના કારણે ચાંદી સતત મજબૂત બની રહી છે.
MCX પર રેકોર્ડ લેવલ
MCX પર માર્ચ ડિલિવરી માટે ચાંદીના વાયદા રૂ. 13,553 એટલે કે 4.71 ટકાના ઉછાળાની સાથે રૂ. 3,01,315 પ્રતિ કિલોગ્રામના રેકોર્ડ સ્તરે પહોંચી ગયા.
આંતરરાષ્ટ્રીય બજારમાં પણ તેજી
આંતરરાષ્ટ્રીય બજારમાં પણ ચાંદીના ભાવમાં તેજી જોવા મળી. માર્ચ ડિલિવરી માટે ચાંદીના વાયદા 5.81 ડોલર એટલે કે 6.56 ટકાના ઉછાળાની સાથે ઔંસ દીઠ 94.35 ડોલરના સર્વોચ્ચ સ્તરે પહોંચી ગયા.
ભાવ વધવાનું કારણ શું?
બજાર નિષ્ણાતો જણાવે છે કે ઔદ્યોગિક ઉપયોગમાં વધારો, નબળો અમેરિકી ડોલર અને વૈશ્વિક આર્થિક અનિશ્ચિતતા વચ્ચે ચાંદી સુરક્ષિત રોકાણ તરીકે ફરી એકવાર પસંદગી બની છે. છેલ્લા કેટલાક દિવસોમાં ચાંદીનું પ્રદર્શન સોનાથી પણ વધુ મજબૂત રહ્યું છે.
ભારત – વિશ્વનો સૌથી મોટો આયાતકાર
2025 દરમિયાન ભારતે અંદાજે 9.2 બિલિયન ડોલરની ચાંદીની આયાત કરી છે, જેના કારણે ભારત વિશ્વનો સૌથી મોટો ચાંદીનો ગ્રાહક બન્યો છે. જોકે ચિંતાજનક વાત એ છે કે ભારત હજુ પણ ચાંદીની પ્રોસેસિંગ ક્ષમતામાં આત્મનિર્ભર નથી.
વૈશ્વિક પુરવઠા, ભૂ-રાજકીય તણાવ અને આયાત પર નિર્ભરતા – આ ત્રણેય કારણો ભારત માટે ચાંદીની સુરક્ષા સામે મોટો પડકાર બની રહ્યા છે.
