Tata Harrier EV સુવિધાઓ
નવી હેરિયર ઇલેક્ટ્રિક D8 પ્લેટફોર્મ પર બનાવવામાં આવશે. આ એક ખાસ પ્લેટફોર્મ છે જેનો ઉપયોગ હજુ સુધી JLR દ્વારા પણ કરવામાં આવ્યો નથી. હેરિયર ઇલેક્ટ્રિકમાં 19-ઇંચના એલોય વ્હીલ્સ જોવા મળશે. આ કારમાં પેનોરેમિક સનરૂફ, વાયરલેસ એપલ કારપ્લે અને વાયરલેસ એન્ડ્રોઇડ ઓટો સાથે 10.25-ઇંચ ટચસ્ક્રીન ઇન્ફોટેનમેન્ટ સિસ્ટમ, 10.25-ઇંચ ડિજિટલ ઇન્સ્ટ્રુમેન્ટ ક્લસ્ટર જેવી સુવિધાઓ ઉપલબ્ધ હશે. સલામતી માટે, તેમાં 6 એરબેગ્સ, બ્રેક આસિસ્ટ, એન્ટી-લોક બ્રેકિંગ સિસ્ટમ, વેન્ટિલેટેડ ફ્રન્ટ સીટ અને ડ્રાઇવર સાઇડ પર મેમરી ફંક્શન અને પેસેન્જર સાઇડ પર 4-વે પાવર એડજસ્ટમેન્ટ જેવા ફીચર્સ હશે.
Tata Harrier EV બેટરી અને રેન્જ
ટાટા હેરિયર ઇવીને 75 kWh બેટરી પેક મળશે. ટાટાએ પુષ્ટિ આપી છે કે હેરિયર EVમાં ડ્યુઅલ ઇલેક્ટ્રિક મોટર્સ અને ઓલ-વ્હીલ-ડ્રાઇવ સિસ્ટમ પણ હશે, જે 500 Nm ટોર્ક ઉત્પન્ન કરશે. આ કાર ફુલ ચાર્જ પર 500 કિલોમીટર સુધીની રેન્જ આપી શકે છે.
ટાટા હેરિયર EV ની કિંમત
કિંમતની વાત કરીએ તો, તેની એક્સ-શોરૂમ કિંમત લગભગ 20 લાખ રૂપિયાથી શરૂ થઈ શકે છે. EV સેગમેન્ટમાં પોતાની પકડ મજબૂત કરવા માટે MG અને Hyundai પણ નવા મોડેલ લોન્ચ કરી રહ્યા છે.આગામી થોડા દિવસોમાં તેનું ટીઝર અને અન્ય માહિતી પણ જોવા મળશે.
