માર્ચ મહિનામાં ગરમી ભૂક્કા બોલાવશે: હવામાન વિભાગની ચેતવણી, ગુજરાતમાં હીટવેવની શક્યતા

ગુજરાતમાં માર્ચ મહિનાની શરૂઆત સાથે જ ગરમીનો પ્રકોપ ઝડપથી વધતો જોવા મળી રહ્યો છે. ઘણા શહેરોમાં તાપમાન સતત વધી રહ્યું છે અને લોકો પહેલેથી જ ઉકળાટનો અનુભવ કરી રહ્યા છે. Orange alert heatwave in gujarat live

હવામાન વિભાગ (IMD) દ્વારા આગામી કેટલાક દિવસો માટે મહત્વપૂર્ણ આગાહી કરવામાં આવી છે. વિભાગના જણાવ્યા મુજબ આગામી 4થી 5 દિવસ દરમિયાન રાજ્યના અનેક વિસ્તારોમાં તીવ્ર ગરમી અને હીટવેવ જેવી સ્થિતિ સર્જાઈ શકે છે.

આ સાથે જ હવામાન નિષ્ણાતોનું કહેવું છે કે માર્ચના મધ્યભાગમાં વાતાવરણમાં અચાનક ફેરફાર પણ જોવા મળી શકે છે.

14 થી 18 માર્ચ દરમિયાન વાતાવરણમાં આવી શકે છે ફેરફાર

હવામાન નિષ્ણાત અંબાલાલ પટેલના જણાવ્યા મુજબ માર્ચના મધ્ય સમયથી લઈને એપ્રિલ મહિના સુધી રાજ્યમાં કેટલાક વિસ્તારોમાં કમોસમી હવામાનની સ્થિતિ સર્જાઈ શકે છે.

ખાસ કરીને 14 થી 18 માર્ચ દરમિયાન વેસ્ટર્ન ડિસ્ટર્બન્સની અસર ગુજરાતના કેટલાક ભાગોમાં જોવા મળી શકે છે. આ અસરના કારણે કેટલાક વિસ્તારોમાં આકાશ વાદળછાયું રહેવાની શક્યતા વ્યક્ત કરવામાં આવી છે.

આ બદલાવનો અસર ખાસ કરીને કચ્છ, ઉત્તર ગુજરાત, પૂર્વ ગુજરાત, દક્ષિણ ગુજરાત અને સૌરાષ્ટ્રના કેટલાક વિસ્તારોમાં જોવા મળી શકે છે. જોકે ગરમીની તીવ્રતા યથાવત રહેવાની શક્યતા પણ નિષ્ણાતો વ્યક્ત કરી રહ્યા છે.

અનેક શહેરોમાં ગરમીનો પારો 41 ડિગ્રી પાર

હાલ રાજ્યના ઘણા શહેરોમાં ગરમીનો પારો સતત વધી રહ્યો છે. ઘણા વિસ્તારોમાં તાપમાન 40 ડિગ્રીથી ઉપર પહોંચી ગયું છે.

• હાલના આંકડા મુજબ રાજકોટ અને સુરેન્દ્રનગરમાં સૌથી વધુ 41.6 ડિગ્રી સેલ્સિયસ તાપમાન નોંધાયું છે.
• તે ઉપરાંત કંડલામાં 41.4°C, અમદાવાદમાં 41.2°C અને ડીસામાં 41.1°C તાપમાન નોંધાયું છે.

ગાંધીનગર, વડોદરા, સુરત, ભુજ અને અમરેલી સહિતના અનેક શહેરોમાં પણ તાપમાન 40 થી 41 ડિગ્રી વચ્ચે પહોંચી ગયું છે, જેના કારણે લોકોને દિવસ દરમિયાન ભારે ગરમીનો સામનો કરવો પડી રહ્યો છે.

10 થી વધુ જિલ્લાઓમાં યલો એલર્ટ જાહેર

• હીટવેવની શક્યતા ધ્યાનમાં રાખીને હવામાન વિભાગે રાજ્યના ઘણા જિલ્લાઓમાં યલો એલર્ટ જાહેર કર્યું છે.
• ઉત્તર ગુજરાતમાં બનાસકાંઠા, પાટણ, મહેસાણા અને ગાંધીનગર જિલ્લાઓ માટે ચેતવણી આપવામાં આવી છે.
• મધ્ય અને દક્ષિણ ગુજરાતમાં અમદાવાદ, ભરૂચ, વડોદરા અને સુરત જિલ્લાઓ પણ એલર્ટ હેઠળ રાખવામાં આવ્યા છે.
• તે સિવાય સૌરાષ્ટ્ર અને કચ્છ વિસ્તારમાં સુરેન્દ્રનગર, રાજકોટ, પોરબંદર, જૂનાગઢ, અમરેલી, ભાવનગર, મોરબી, બોટાદ અને કચ્છ જિલ્લામાં પણ હીટવેવની સ્થિતિ સર્જાઈ શકે તેવી ચેતવણી આપવામાં આવી છે.