સંદીપ રેડ્ડી વાંગા એ પ્રભાસ અને તૃપ્તિ ડિમરીના સ્પિરિટ મુવી પોસ્ટર માટે કહ્યું : “પતિ અને પત્ની બંને દારૂ પી રહ્યા છે”

Spirit Movie 2026 News : પ્રભાસ અને ત્રિપ્તિ ડિમરીની ફિલ્મ Spirit ને લઈને પહેલેથી જ ભારે ઉત્સુકતા છે. જ્યારે ફિલ્મનો પહેલો પોસ્ટર બહાર આવ્યો, ત્યારથી સોશિયલ મીડિયા પર ચર્ચાઓ અટકવાનું નામ લેતી નથી. હવે ખુદ ડિરેક્ટર સંદીપ રેડ્ડી વાંગાએ આ પોસ્ટર શું કહેવા માંગે છે તેના વિશે ખુલ્લેઆમ પોતાના વિચાર રજુ કર્યા છે.

સંદીપ રેડ્ડી વાંગા તાજેતરમાં ફિલ્મ The Raja Saabના એક પ્રમોશનલ વિડિયોમાં પ્રભાસ સાથે જોડાયા હતા. આ વિડિયો People Media Factoryના YouTube ચેનલ પર શેર થયો હતો. આ દરમિયાન પ્રભાસે વાંગાને સીધો સવાલ કર્યો કે, “પોસ્ટરનો આઈડિયા તો એકદમ crazy છે, તમને આ વિચાર ક્યાંથી આવ્યો?”

આ સવાલના જવાબમાં વાંગાએ Spiritના પોસ્ટર વિશે એક રસપ્રદ વાત કહી. તેમણે જણાવ્યું કે પોસ્ટરમાં જે પ્રભાસના હાથમાં ગ્લાસ જેવું લાગે છે, તે હકીકતમાં 1 લિટરની બોટલ છે. ઘણા લોકોને એવું પણ લાગ્યું કે રેલિંગ પર એક બીજો ગ્લાસ મૂકેલો છે અને એટલે લોકો માનવા લાગ્યા કે પોસ્ટરમાં પતિ-પત્ની બંને દારૂ પી રહ્યા છે.

વાંગાએ આગળ કહ્યું કે આ પોસ્ટર ફિલ્મના એક દૃશ્યમાંથી સીધું લેવામાં આવ્યું છે. Baahubali બાદ પ્રભાસને કેવી રીતે રજૂ કરવો, એ વિષય પર તેમણે ખૂબ વિચાર કર્યો હતો. તેમના મતે આ પોસ્ટર અત્યાર સુધીનું તેમનું best poster છે અને તેમાં કોઈ શંકા નથી. તેમણે તેને “cult poster” તરીકે પણ ઓળખાવ્યું.

Spiritનો First Look અને New Year Surprise

નવા વર્ષની મધરાતે સંદીપ રેડ્ડી વાંગાએ ફેન્સને એક ખાસ સરપ્રાઇઝ આપ્યું હતું. જેમજ ઘડિયાળે બાર વાગ્યા, તેમ Spiritનો પહેલો લુક પોસ્ટર રિલીઝ કરવામાં આવ્યો.

આ જ રીતે અગાઉ ફિલ્મ Animal માટે પણ વાંગાએ New Year પર મોટી જાહેરાત કરી હતી.

Spiritના પોસ્ટરે ઘણા લોકોને Animalની યાદ અપાવી દીધી. પોસ્ટરમાં એકદમ raw અને unfiltered energy જોવા મળે છે, જે વાંગાની ફિલ્મોની ઓળખ બની ગઈ છે.

પોસ્ટરમાં પ્રભાસ શર્ટ વગર, કેમેરાની તરફ પીઠ કરીને ઉભા છે. તેમના શરીર પર ઘા, ઈજાઓ અને બૅન્ડેજ સ્પષ્ટ દેખાય છે.
લાંબા વાળ, ઘાટા દાઢી-મૂછ સાથેનો લુક ઘણા દર્શકોને Animalમાં રણબીર કપૂરના પાત્રની યાદ અપાવે છે.

પોસ્ટરમાં ત્રિપ્તિ ડિમરી પ્રભાસને સિગરેટ સળગાવી આપતી નજરે પડે છે, જ્યારે પ્રભાસના હાથમાં દારૂનો ગ્લાસ છે.
આ એક સિન જ ફિલ્મના સ્વભાવ અને કથાની તીવ્રતા બતાવી દે છે.

પોસ્ટર શેર કરતા પ્રભાસે સાદા શબ્દોમાં લખ્યું હતું,
“Here’s the first poster of #Spirit.”

Spirit ફિલ્મ ક્યારે રિલીઝ થશે

Spirit ફિલ્મનું લેખન, એડિટિંગ અને ડિરેકશન ત્રણેય જવાબદારી સંદીપ રેડ્ડી વાંગાએ સંભાળી છે. ફિલ્મના પ્રોડ્યૂસર્સમાં ભૂષણ કુમાર, પ્રણય રેડ્ડી વાંગા, કૃષ્ણ કુમાર અને પ્રભાકર રેડ્ડી વાંગાનો સમાવેશ થાય છે.

આ ફિલ્મને Telugu, Hindi, Tamil, Kannada, Malayalam સાથે Mandarin, Japanese અને Korean ભાષાઓમાં પણ રિલીઝ થઇ શકે છે. પ્રભાસના જન્મદિવસે ગયા વર્ષે ફિલ્મનું audio teaser પાંચ ભારતીય ભાષાઓમાં રજૂ કરવામાં આવ્યું હતું.

Spirit 2026માં રિલીઝ થવાની છે. ગયા વર્ષે આ ફિલ્મ ચર્ચામાં આવી હતી જ્યારે દીપિકા પાદુકોણ ફિલ્મમાંથી બહાર થઈ ગઈ હતી. પછી આ રોલ માટે ત્રિપ્તિ ડિમરીને પસંદ કરવામાં આવી, જેમણે અગાઉ વાંગાની Animal ફિલ્મમાં કામ કર્યું હતું.

Spirit માત્ર એક ફિલ્મ નથી, પરંતુ વાંગાની દ્રષ્ટિ અને પ્રભાસના નવા અવતારની એક ઝલક છે. ફેન્સ હવે આતુરતાથી રાહ જોઈ રહ્યા છે કે આ “cult” કહાની સ્ક્રીન પર કેવી રીતે જીવંત બનશે.