ગુજરાતમાં છેલ્લા એક અઠવાડિયાથી અમુક વિસ્તારોમાં હળવો થી મધ્યમ વરસાદ જોવા મળી રહ્યો છે. હવામાન વિભાગે આગાહી કરી છે કે આગામી પાંચ દિવસ દરમિયાન કેટલાક વિસ્તારોમાં ભારે વરસાદ પડશે. varsad news
22 સપ્ટેમ્બરે, નવસારી, વલસાડ, અને સુરતમાં ભારે વરસાદની શક્યતા છે, જ્યારે કચ્છ, મોરબી, સુરેન્દ્રનગર, રાજકોટ સહિત રાજ્યના અન્ય વિસ્તારોમાં હળવેથી મધ્યમ વરસાદ પડશે.
23 સપ્ટેમ્બરના રોજ વડોદરા, ભરૂચ, તાપી, ડાંગ અને અન્ય દક્ષિણ ગુજરાતના વિસ્તારોમાં ગાજવીજ સાથે વરસાદ થવાની શક્યતા છે. 24 સપ્ટેમ્બરે, આ વિસ્તારોમાં છૂટક વરસાદ ચાલુ રહેશે.
25 અને 26 સપ્ટેમ્બરના રોજ તાપી, ડાંગ, નવસારી અને વલસાડમાં ભારે વરસાદ થઈ શકે છે, જ્યારે કચ્છ, રાજકોટ અને અમદાવાદ સહિતના વિસ્તારોમાં હળવેથી મધ્યમ વરસાદની આગાહી છે.
