Kerala Girl rape Case 2025 કેરળના પઠાણમથિટ્ટામાંથી માનવતાને શરમાવે તેવો કિસ્સો પ્રકાશમાં આવ્યો છે. એક છોકરીએ આરોપ લગાવ્યો છે કે જ્યારે તે 16 વર્ષની હતી ત્યારે તેની સાથે અલગ અલગ જગ્યાએ ઘણી વખત બળાત્કાર થયો હતો.
કેરળના પઠાણમથિટ્ટામાંથી માનવતાને શરમાવે તેવો કિસ્સો પ્રકાશમાં આવ્યો છે. એક છોકરીએ આરોપ લગાવ્યો છે કે જ્યારે તે 16 વર્ષની હતી ત્યારે તેની સાથે અલગ અલગ જગ્યાએ ઘણી વખત બળાત્કાર થયો હતો. કેરળ પોલીસે આ કેસમાં કુલ 4 FIR નોંધી છે અને 15 આરોપીઓની ધરપકડ કરી છે. પોલીસે જણાવ્યું હતું કે ૧૮ વર્ષની આ છોકરીએ આરોપ લગાવ્યો છે કે તેના પર ઘણા લોકોએ બળાત્કાર ગુજાર્યો હતો.
પોલીસે 4 FIR દાખલ કરી
અગાઉ, પોલીસે કહ્યું હતું કે પઠાણમથિટ્ટામાં નોંધાયેલા બે એફઆઈઆરના સંદર્ભમાં પાંચ લોકોની ધરપકડ કરવામાં આવી છે, જ્યારે અન્ય એક વ્યક્તિ પહેલાથી જ એક અલગ કેસમાં જેલમાં છે. પોલીસે એમ પણ જણાવ્યું હતું કે બળાત્કારની ઘટનાના સંદર્ભમાં કુલ ચાર એફઆઈઆર નોંધવામાં આવી છે જેમાં કથિત રીતે અનેક લોકો સંડોવાયેલા છે.
અધિકારીઓએ જણાવ્યું હતું કે પોલીસને એવા પુરાવા મળ્યા છે જે સૂચવે છે કે છોકરી પર તેના કોચ, સાથી ખેલાડીઓ અને સહપાઠીઓ સહિત અનેક લોકોએ બળાત્કાર કર્યો હતો. પોલીસ સૂત્રોએ જણાવ્યું હતું કે છોકરીના નિવેદન મુજબ, તેણીએ શંકાસ્પદો સાથે વાત કરવા માટે તેના પિતાના મોબાઇલ ફોનનો ઉપયોગ કર્યો હતો. તેમણે કહ્યું કે છોકરીના ફોન ડિટેલ્સ અને ડાયરીમાંથી મળેલી માહિતીની પુષ્ટિ કર્યા પછી, 40 લોકોની ઓળખ કરવામાં આવી છે.
60 થી વધુ લોકો સંડોવાયેલા હોવાની શંકા
પોલીસ સૂત્રોના જણાવ્યા અનુસાર, જાતીય શોષણ કેસમાં 60 થી વધુ લોકો સંડોવાયેલા હોવાની શંકા છે. ઉલ્લેખનીય છે કે બાળ કલ્યાણ સમિતિ કાઉન્સેલિંગ કરી રહી હતી ત્યારે આ મામલો પ્રકાશમાં આવ્યો હતો. પીડિતાના શિક્ષકે પેનલને શૈક્ષણિક સંસ્થામાં તેના વર્તનમાં ફેરફાર વિશે જાણ કર્યા પછી કાઉન્સેલિંગ હાથ ધરવામાં આવ્યું હતું.
આ પછી, સમિતિએ પોલીસને જાણ કરી. જે બાદ તપાસ શરૂ થઈ. પોલીસના જણાવ્યા અનુસાર, મહિલા અધિકારી પીડિતાનું નિવેદન નોંધવાનો અને વધુ માહિતી એકત્રિત કરવાનો પ્રયાસ કરી રહી છે. પઠાણમથિટ્ટા બાળ કલ્યાણ સમિતિ (CWC) એ જણાવ્યું હતું કે પઠાણમથિટ્ટા જિલ્લાની બહારના લોકો પણ આ કેસમાં સામેલ હોઈ શકે છે.
