Plane Crash in South Korea:181 મુસાફરોને લઈ જતું પ્લેન ક્રેશ, અત્યાર સુધીમાં 62ના મોત! દક્ષિણ કોરિયામાં અકસ્માત દક્ષિણ કોરિયામાં પ્લેન ક્રેશઃ કઝાકિસ્તાનમાં પ્લેન ક્રેશ થયાના 7 દિવસ બાદ વધુ એક પ્લેન ક્રેશ થયું છે. રોઇટર્સના અહેવાલ મુજબ, આ વિમાન દુર્ઘટના દક્ષિણ કોરિયામાં થઈ હતી, જેમાં 68 લોકોના મોત થયા હોવાના અહેવાલ છે. જેજુ એરલાઇન્સની ફ્લાઇટ 2216માં 181 લોકો હતા. અકસ્માતનો વીડિયો પણ સામે આવ્યો છે.
બેંગકોકથી આવતી ફ્લાઈટ રવિવારે દક્ષિણ કોરિયાના જિયોલ્લા પ્રાંતના મુઆન ઈન્ટરનેશનલ એરપોર્ટ પર લેન્ડ કરતી વખતે ક્રેશ થઈ ગઈ હતી. પ્લેન રનવે પરથી સરકી ગયું અને વાડ સાથે અથડાયું, જેના કારણે આગ લાગી. ફ્લાઇટમાં 175 મુસાફરો અને 6 ક્રૂ મેમ્બર સવાર હતા. જે તસવીરો અને વીડિયો વાયરલ થયા છે તેમાં પ્લેનમાંથી ધુમાડો નીકળતો જોવા મળી રહ્યો છે.
181 મુસાફરોને લઈ જતું પ્લેન ક્રેશ, અત્યાર સુધીમાં 62ના મોત! દક્ષિણ કોરિયામાં અકસ્માત pic.twitter.com/ifS4RzXpCm
— Gujarat Square News (@gujaratsquare) December 29, 2024
પ્લેનમાં સવાર મોટાભાગના લોકો દક્ષિણ કોરિયાના રહેવાસી છે
વિમાન બોઇંગ 737-800 હતું. દક્ષિણ કોરિયાની રેસ્ક્યુ ટીમે 2 લોકોને બચાવ્યા છે. બાકીના મુસાફરોની શોધખોળ ચાલુ છે. દેશના કાર્યવાહક રાષ્ટ્રપતિ ચોઈ સુંગ-મોકે સરકારી એજન્સીઓને જરૂરી સૂચનાઓ આપી હતી. વિમાનમાં સવાર મુસાફરોમાં 173 દક્ષિણ કોરિયન અને 2 થાઈ નાગરિકો હતા. અકસ્માતનું કારણ હજુ સ્પષ્ટ થયું નથી, પરંતુ પક્ષી સાથે અથડાવાને કારણે આ અકસ્માત થયો હોવાની આશંકા છે. દક્ષિણ કોરિયાની ફાયર એજન્સીએ એક નિવેદનમાં જણાવ્યું કે અત્યાર સુધીમાં એક ફ્લાઈટ એટેન્ડન્ટ અને એક પેસેન્જરને બચાવી લેવામાં આવ્યા છે. દુર્ઘટના સ્થળે 32 ફાયર એન્જિન તૈનાત કરવામાં આવ્યા છે.
