pm Manmohan Singh Death પૂર્વ વડાપ્રધાન મનમોહન સિંહનું નિધન, દિલ્હી AIIMSમાં લીધા અંતિમ શ્વાસ મનમોહન સિંહનું અવસાનઃ પૂર્વ વડાપ્રધાન મનમોહન સિંહનું ગુરુવારે (26 ડિસેમ્બર) અવસાન થયું. તેઓ 92 વર્ષના હતા. મધ્ય પ્રદેશ કોંગ્રેસ અધ્યક્ષ જીતુ પટવારીએ તેમના નિધન પર શોક વ્યક્ત કર્યો છે.
તેમણે કહ્યું, “ભૂતપૂર્વ વડાપ્રધાન ડૉ. મનમોહન સિંહના નિધનથી દેશે એક સાચા દેશભક્ત, એક મહાન અર્થશાસ્ત્રી અને સાદગીના પ્રતીકને ગુમાવ્યો છે. 1991ની આર્થિક કટોકટી દરમિયાન તેમનું દૂરંદેશી નેતૃત્વ ભારત માટે વરદાન સાબિત થયું. તેમના સુધારાથી કરોડો ભારતીયોના જીવનમાં સુધારો થયો.
ગુરુવારે સાંજે તેમની તબિયત બગડતાં તેમને દિલ્હીના ઓલ ઈન્ડિયા ઈન્સ્ટિટ્યૂટ ઓફ મેડિકલ સાયન્સ (AIIMS)માં દાખલ કરવામાં આવ્યા હતા. મનમોહન સિંહની હાલત નાજુક હતી. મનમોહન સિંહ 2004 થી 2014 સુધી વડાપ્રધાન હતા.
પૂર્વ વડાપ્રધાન મનમોહન સિંહનું નિધન, દિલ્હી AIIMSમાં લીધા અંતિમ શ્વાસ
#ManmohanSinghDeath pic.twitter.com/gUK8jmxcjy— Gujarat Square News (@gujaratsquare) December 26, 2024
મનમોહન સિંહની તબિયત બગડવાના સમાચાર મળતા જ કોંગ્રેસ નેતા પ્રિયંકા ગાંધી એઈમ્સ પહોંચ્યા હતા. કોંગ્રેસ અધ્યક્ષ મલ્લિકાર્જુન ખડગે અને રાહુલ ગાંધી સહિત કોંગ્રેસના અન્ય નેતાઓ બેલગાવીમાં બેઠક છોડીને દિલ્હી જવા રવાના થયા હતા.
બે વખત દેશના વડાપ્રધાન રહ્યા, પંજાબ અને ઓક્સફર્ડમાંથી અભ્યાસ કર્યો.
તેઓ 2004 થી 2014 સુધી બે વખત દેશના વડાપ્રધાન રહ્યા હતા અને તેમની ગણના ભારતના મહાન અર્થશાસ્ત્રીઓમાં થતી હતી. તેમણે ચંદીગઢની પંજાબ યુનિવર્સિટી અને ગ્રેટ બ્રિટનની કેમ્બ્રિજ યુનિવર્સિટીમાં શિક્ષણ મેળવ્યું હતું. તેમણે ઓક્સફોર્ડ યુનિવર્સિટીમાંથી અર્થશાસ્ત્રમાં ડોક્ટરેટની પદવી મેળવી છે.
વડાપ્રધાન મનમોહન સિંહનો જન્મ 26 સપ્ટેમ્બર 1932ના રોજ અવિભાજિત ભારતના પંજાબ પ્રાંતના એક ગામમાં થયો હતો.
